झोका..

झोक्यावर आठवणींच्या मन माझे जेव्हा झुलते

एक-एक तुझी मग तेव्हा मज भेट प्रिये स्मरते,

कधी एके काळी तुझ्यासवे ज्या ज्याही ठिकाणी बसलो

एकाकी तिथेही तेव्हा मन माझे जावुनी बसते,

एक-एक तुझी मग तेव्हा....

ओठात तुझ्याही आज प्रिये माझेही नाव असावे

स्मरते ही बाब जेव्हा मन माझे खुदकन हसते,

एक-एक तुझी मग तेव्हा.....

संपला तो खेळही जीवलगे संपली ती रात सुहानी

अंधारल्या पहाटे मन माझे तीळ तीळ जळ्ते,

एक-एक तुझी मग तेव्हा.....

झोक्यावर आठवणींच्या मन माझे जेव्हा झुलते
एक-एक तुझी मग तेव्हा मज भेट प्रिये स्मरते,